شاب دخل بيبيع اقلام رصاص و جاف و الوان ..
الشاب دة اتكلم و قال ارسم حلمك بالقلم الرصاص علشان مش هيتحقق و هيتمسح .. و اكتب بالجاف شهادة وفاتك .. و ارسم بالوان صورتك في الشارع
الشاب بيتكلم بحرقه و قهر ..
يطلع راجل كبير و يقولوا بدل ما انت بتبيع اقلام روح دور علي شغل تاكل منه عيش و تفتح بيت ..
الشاب قالوه هو انا لقيت شغل و قولت لا دة انا بلف علي رجلي علشان خاطر اصرف علي اختي اللي في جامعة و امي ..
الراجل يقولوة يعني انت مش لاقي شغل و اختك في الجامعة ..
الشاب طلع شهادة تخرجة و الصدمة انه متخرج من كلية اقتصاد و علوم سياسية جامعة القاهرة دفعة 2012 بتقدير جيد جدآ و lاشتغلش في مجالة علشان هو مش ابن باشا و لا ابوه حاجة كبيرة في البلد ماشتغلش علشان مش معاة واسطة ..
يرد الراجل الكبير المستفز و يقوله و انت اية اللي يدخلك كلية و انت عارف انك مش هتعرف تشتغل بيها ..
رديت بنت علي الراجل و قالتله و انت مين علشان تقول يدخل اية و مايدخلش اية هو مش بني آدم من حقة يحلم و يحقق حلمة مش ذنبنا انكو اتولدوا و الجذمة في بوءكو مش ذنبة انة دخل كلية و نجح و تعب فيها علشان يحقق لاهله مستوي كويس
اللي انت بتقوله دور علي شغل دة احسن منك و من اللي زيك علي الاقل لسة عندة امل و حلم عاوز يحققة .. مش زيك عايش بتقول اه اه لحد ما طلع عين ابونا من قوله اه بتاعتكو
الراجل بصلها و قالها بتكلمني كدة ازاي .. قالتله باتكلم بلساني اللي انت كل يوم بتخرسة بمواقفك و بتطبيلك ..
طلعت ست كبيرة وقالتلها يسلم فمك و الراجل الناس هاجت علية و الشاب قالها ربنا يكرمك حسستني ان انا مش لوحدي ..
قالتله خلي عندك هدف انت احسن مننا بإرادتك و لما تيجي تبيع قول قلم رصاص ارسم بيه الحلم و قلم الوان لون بيه الحلم و قلم جاف اكتب بيه حلمك اللي اتحقق.
خلي عندك امل في بكرة .. احنا كتير
لو شايف انى لسه فى امل وصل القصة دى لكل الناس وشيرها وشاركها على صفحتك وصفحات اصحابك واحكيها للى ملوش فى الفيس وخلى ذائمآ املك فى ربنا كبير
منقولة من صديقة للصفحة .
Post a Comment