صراع على لقب أفضل مبتذل في فن ما بعد القاع

- صراع على لقب أفضل مبتذل في فن ما بعد القاع :

- في وسط المآسي الكونية و المهاترات السياسيه والقضايا المجتمعيه أستاذ حماده هلال عامل أغنيه اسمها "الشرع محللي اربعه" بعد ساعات من اعلان محمد رمضان عن أغنيته الجديده "الشرع محلل اربعه".

- وتوقعات عن حدوث أزمه بين الفنانين بسبب إختيار نفس الإسم ، انتم متخيلين، انتو بتعلوا على بعض في ايه، بتتكلم في ايه، المشكله ان حتى التفكير السطحي والتخلف بقي بيتعمله أغاني كميه تصالح عجيبه مع العفن الي عايشينه وشايفينه.

- بيغنوا للخيانه الزوجيه وزعلانين إن حد سرق الاسم من التاني سايبين البلوه الحقيقيه وبيشوفوا مين الي يستحق عار انتسابها ليه، لما المسعور أو المهوس جنسيا يفكر بطريقه دينيه مش هيفهم من الشرع غير انه محلله اربعه.

- "الشرع محللي اربعه يعني هعيش في دلع على طول وانا اصلي بحب الشخلعه" ده كوبليه من الاغنيه..

-يعني يا حماده التعدد مش عشان العنوسه وتعفف النساء وكده زي ما احنا فاهمين؟

- تؤ تؤ عشان الشخلعه.

-يعني ولا عشان العيب من الست مش بتكفي جوزها فعشان ميعملش حاجه حرام مع غيرها يعدد؟

- تؤ تؤ عشان الراجل(من وجهة نظر المطرب )  عينه زايغه بيحب يعيش في دلع على طول مع اكتر من واحده وانا اصلي بحب الشخلعه.

- الأغنيه قمة الإمتهان للمرأه وبتصورها فقط على أنها مجرد اداه جن-س-يه.