- التنمر جريمة :
سواء اتفقنا مع محمد رمضان او اختلفنا معه
- مش من حقك تتنمر علي أي شخص ببساطة لأن معايير الكمال بتخفيف ، في حفل زفاف أخت الفنان *محمد رمضان* تعرضت *إيمان* لموجة من السفالة والإهانة والتنمر علي شكلها من ناس مشوهة ومريضه.
- ممكن تكون مش جميله بنظرك لكن ده ميديش لك الحق تكسر قلب انسان كل إنسان عنده مشاعر لازم نحترمها، مين عطاك الحق في التعليق علي مظهرها مينفعش يبقي لينا رأي ابدا علي مظهر شخص أنه المفروض يبقي ازاي كلنا من صنع الله وكل إنسان جميل بطريقته الخاصة.
- لازم نفهم ده ونتعلم نعيش مع بعض بناء علي فكرنا مش شكلنا التنمر والسخرية من شخص والتنمر علية بسبب شكله أو لونه أو جسمه أو جنسه أو صوته أو تصرفاته وحركاته أو حياته هو جريمة في حق الانسانيه، التنمر في حالات كتير جدا بيدفع للإنتحار وفقدان الثقه بالنفس واليأس والاحباط.
- مين عطاك الحق انك بتخلفك وانحطاط أخلاقك تدمر حياه شخص علي المستوي النفسي لمجرد أنه مش عاجبك، التنمر مش خفة دم وقصف جبهات التنمرم قله تربيه وكسر خواطر التنمر مش روشنه التنمر مرض نفسي جواك شعورك بالضعف والدونيه هو الي بيخليك تسخر من غيرك.
- قضيتي مش قضيه إيمان قضيتي الي هفضل ادافع عنها هي الانسانيه واحترام الحقوق والحريات قضيه إيمان بنشوفها كل يوم وفي كل وقت بدايتا من التنمر المدرسي والتنمر الاجتماعي بسبب العائله.
- انا بتكلم في أبسط مفاهيم الإنسانية..ارتقوا..أيها الإنسان انت أخي🌹. منقول . محمد السماك
إرسال تعليق