🔴 عشان نطبخ صح لازم نعرف الفرق بين البصل الأحمر والبصل الأبيض (البصل الحلو)
كتير بنستخدم البصل فى وصفات ونلاقى إنه مش بيدينا النتيجة اللى كنا متوقعينها بالظبط
وده بيكون بسبب إننا بنستخدم نوع بصل غير مناسب للوصفة نفسها ، فاحبيت إننا نقول معلومتين على الماشي كده عن اشهر نوعين للبصل الموجود عندنا في مصر
🔻 أولا من ناحية الاستخدامات المطبخية ...
🔸البصل الأحمر مناسب لكل الاكلات الفريش اللى مش مطهيه يعنى تحطه على طبق تونا تاكله جنب طبق فول تقطعه على اى نوع سلطه تحطه جوه سندوتشات وهكذا
وده لانه مش نفاذ اوى وطعمه مسكر ومقبول ، كمان لانه مش بيدى نتيجة كويسه فى عمليات الطهى بالحرارة لانه مش بيمتص المادة الدهنية بكفاءة وبيضل محتفظ بقوامه وشكلة فترة طويلة على ما يبتدى يستجيب للحرارة
🔸البصل الأبيض على العكس تماماً .. ده بقى بتاع الطبخ والتقلية والطشطشة كلها وكمان الكشرى واى طبق بيحتاج بصل مكرمل وكل الوصفات الساخنه عموماً
ولو جربت فريش هتلاقي طعمه حاد ونفاذ جدا ومش مستصاغ
⭕ ملحوظة : انواع البصل فى دول الخليج أغلبها مستوردة من الهند خاصة البصل الأحمر ، البوست بيتكلم عن ((البصل المصرى )) وفى اختلاف كبير فى الطعم والأنواع ، فاللى عايش فى دولة خليجية غالباً هيلاحظ العكس.
🔻 ثانياً الفرق بينهم من الناحية الصحية
🔸يعمل البصل الأحمر على خفض كمية الكوليسترول في الدم، كما يمنع تجلط الدم وتصلب الشرايين، ويساهم في منع تكون الخلاياالسرطانية، ويدعم جهاز المناعة.
🔸أما البصل الأبيض فيعتبر مطهرا مهما للفم من البكتيريا والجراثيم، كما يعالج مشكلات الجهاز التنفسي، مثل التهابات الرئتين والأنف والحلق وكذلك القصبة الهوائية.
ليست هناك تعليقات:
إرسال تعليق