أكتشاف متسولون يملكون حسابات مليونية بالبنوك المصرية - حملة توعية صدقتك مش مكانها الشارع

 

متسول فى شارع البحر بيجمد حوالى 400 ج فى ورديه نص يوم

متسولة فى شارع جيهان بتجمد من الصيدلية كل 6 ساعات 450ج

متسول فى شارع المشايه بيجبر شوية عيال صغيره الله اعلم مخطوفين ولا عياله العيل منهم بيجمد 50ج كل ساعتين

متسوله فى شارع اداب كل يوم بتقعد بعيال شكل فى نفس المنطقه منهم الرضع والكبير وبيجى المعلم اللى مسرحها ياخد منها الايراد كل يوم بالليل

متسول عجوز بيمشى فى شارع الترعه كل يوم وعاوز علاج ولنا نقوله نجيبه من الصيدليه يقولك هاتلى الفلوس وانا اشتريه والمصيبه انه بياخد برده

متسوله عجوزه قاعده فى شارع السكة الجديده وعيالها بيجيبوها اول اليوم ويجولها اخر اليوم ولما حاولنا نساعدها على انها مجبوره سبتلنا الدين وكنا هنتقطع بالمطاوي وطلعت بتاجر فى الحبوب المخدره جنب التسول

وغيرهم وغيرهم وغيرهم وغيرهم وقصص لا تنتهى

وفى الاخر قانون البلد بيقولك (محضر التسول غرامته 100-جنيه وبيتخلى سبيله من النيابة في يومها ) يعنى حتى لو اتقبض عليهم مش هيبقى غرامه ساعة شغل .. هنعمل ايه .؟؟ نستنى يغيروا القانون ؟؟ نروح نموت احسن واسرع ..

اللى يتعمل بطلوا تدوهم فلوس .. بطلوا تساعدوهم على النصب .. بطلوا انكم بفلوسكم بتخلوهم يخطفوا اطفال ممكن يبقوا عيالكم فى يوم من الايام ... بطلوا تدوهم وشوفوا المتعففين المستحقين فعلا .. اتعبوا شويه ومتقولوش النية لله هى لله فعلا بس والله انت هتتحاسب لما تبقى عارف البلاوى اللى بتجصل دى وتكبر دماغك وتقول المهم نيتى لا يافندم هنا النية الصالحة متنفعش مع عمل فاسد اللى انت بتساعد فيه ..

للمرة المليون وهكررها طول مانا عايش #صدقتك_مش_مكانها_الشارع

ولو متعرفش ادخل على الهاشتاج واتفرج انت بيتضحك عليك ازاى