عادات غريبة في دولة ماليزيا

من العادات الغريبة في دولة ماليزيا
كنت لسه واصل المطار و كنت عايز ادخل الحمام ففتحت اول حمام لقيت اثار جزم مطبعه علي الطاره بتاعت التواليت فقلت ممكن حد كان واقف عليها بيركب اللمبه بتاعت الحمام فقلت اشوف اللي بعده... دخلت لقيت اثار جزمه مطبعه برده بس شكلها مختلف عن الاولاني فقلت ادخل اللي بعده لقيت اثار جزمه برده مطبعه فبصيت فوق لقيت مفيش مكان يركب لمبه في الحمام ده فليه اصلا يطلع علي التواليت؟!!!

قلت خلاص جبت اخري و عايز الحمام عشان الفندق علي بعد ساعه و نص فممكن انفجر و انا ماشي فضلت انضف الطاره بالديتول برده الاثار مش بتروح رحت قاعد برده و عمال افكر في السر ورا الموضوع ده استحاله تكون صدفه وبعدين استحاله دوله زي ديه معندهمش سلم يستخدموه بدل ما يعملوا المنظر ده!!!!

فين و فين برفع عيني علي الباب لقيت العلامه اللي في الصوره ديه فاستغربت!!!

عرفت بعدها ان الماليزيين خصوصا بتوع الارياف بيطلعوا علي التواليت بالجزم و يستخدموه انه حمام بلدي و المفروض ممنوع الوضع ده و بيكون في غرامات بس لاسف بيصعب اكتشاف الموضوع فمحدش بيتفرض عليه غرامه.

ايه اغرب حاجه شفتها في البلاد اللي شفتها؟

منقول